नागपुरात वरुण राजाचं आगमन कधी? प्रचंड उकाड्याने नागरिक हैराण, पावसाची प्रतिक्षा

मुंबई शहरात अरबी समुद्राकडून पावसाचे वारे वाहतात. तर विदर्भात बंगालच्या उपसागरावरून पाऊस प्रवेश करतो. मात्र, गेल्या 10 दिवसांपासून ओडिशा आणि पश्चिम बंगालच्या किनारपट्टीवर पाऊस अडकला आहे. बंगालच्या उपसागरावरील कमकुवत पावसाच्या वाऱ्यांमुळे ही स्थिती निर्माण झाली आहे. तसेच शहरात 22-23 जूननंतरच चांगला पाऊस पडेल, असा अंदाज वर्तविण्यात आला आहे.

नागपुरात पुन्हा तापमान 45 अंशांवर गेले आहे. नागरिक या उकाड्याने हैराण झाले आहेत. तर दुसरीकडे विदर्भ वगळता राज्याच्या बहुतेक भागात पाऊस पोहोचल्यामुळे कमाल तापमान सरासरी 30 अंश सेल्सिअसवर खाली आले आहे. मात्र, विदर्भात पारा अधिकच वाढत आहे. मंगळवारी विदर्भातील ब्रह्मपुरी (चंद्रपूर) येथे 45.3 इतक्या राज्यातील सर्वाधिक तापमानाची नोंद झाली. त्या मागोमाग विदर्भात चंद्रपूर 42.8, गडचिरोली 42.0, नागपूर 42.4, वर्धा 42.0, यवतमाळ 41.0 आणि भंडाऱ्यात 42.4 अंश कमाल तापमान नोंदविले गेले.