घरकुल एक प्रेम कथा! प्रशासनाच्या एका चुकीने मोडला संसार; पत्नी म्हणाली, 'घर बांधा, तरच परत येईन!'

नांदेड : हदगाव तालुक्यातील मनाठा गावच्या प्रकाश मनोहर सोनाळे यांनी एक स्वप्न पाहिलं होतं, ते म्हणजे पक्कं घर बांधण्याचं. प्रधानमंत्री आवास योजनेच्या यादीत 2018-19 मध्ये नाव आल्यावर त्यांचा आनंद गगनात मावेनासा झाला. आता आपल्या कुटुंबाला हक्काचं, सुरक्षित छप्पर मिळणार, या विचाराने त्यांनी राहतं मातीचं घर पाडलं आणि जवळची जमापुंजी खर्च करून नव्या घराच्या बांधकामाला सुरुवात केली. पण त्यांना कुठे माहित होतं की, शासकीय घोळ आणि नावाच्या साधर्म्यामुळे त्यांचं हे स्वप्न एका दुःस्वप्नात बदलणार आहे.