सासू-सुना-जावा ऐकमेकींना भिडल्या; कोण सोडणार 'लाडक्या बहिणी'च्या 1500 रुपयांवर पाणी? 

नांदेड : लोकसभा निवडणुकीतील पराभवानंतर महायुती सरकारने घाईघाईत आणलेल्या ‘लाडकी बहीण’ योजनेला आता शासनाकडूनच कात्री लावली जात आहे. या योजनेसाठी नवीन नियम लागू करण्यात आले असून, त्यामुळे अनेक महिलांचा पत्ता कट होणार आहे. विशेषतः एकाच कुटुंबातील दोनपेक्षा अधिक महिलांनी या योजनेचा लाभ घेतला असल्यास त्यांना अपात्र ठरवले जाणार आहे. या निर्णयामुळे घराघरात सासू-सुना आणि जावा-जावांमध्ये ‘1500 रुपयांवर कोण पाणी सोडणार’ यावरून वाद वाढले आहेत.