Nanded Accident : नांदेडमध्ये भीषण अपघात, नियंत्रण सुटलेल्या ट्रकनं आठ दुचाकींना चिरडलं

नांदेड, मुंजीब शेख, प्रतिनिधी : नांदेडमधून एक भीषण अपघाताची बातमी समोर आली आहे. भरधाव ट्रकनं उभ्या असलेल्या आठ दुचाकींना चिरडलं आहे. या घटनेत एकाचा मृत्यू झाला असून आठ जण जखमी झाले आहेत. जखमींना स्थानिकांच्या मदतीनं तातडीनं रुग्णालयात दाखल करण्यात आलं आहे. या घटनेत मोठं आर्थिक नुकसान देखील झालं आहे. नांदेड - भोकर महामार्गावरील बारड परिसरात ही घटना घडली आहे. ट्रकवरील नियंत्रण सुटल्यानं हा अपघात झाल्याची प्राथमिक माहिती समोर आली आहे.