Nanded Crime : पकडण्यासाठी आलेल्या पोलिसांवरच गोळीबार! नांदेडमध्ये सिनेस्टाईल थरार, VIDEO

गोळीबार करुन पैसे लुटणारे दोघे शहराजवळच्या असर्जन भागात असल्याची माहिती पोलिसांना मिळाली. पोलिसांची पथकं त्या ठिकाणी पोहचली. पोलिसांना पाहून दोन्ही आरोपींनी पळ काढला. पोलिसांनी पाठलाग सुरू केला. तेव्हा एका आरोपीने पोलिसांच्या दिशेने गोळीबार केला. पोलिसांनी देखील प्रतिउत्तरात गोळीबार केला. एक गोळी एका आरोपीच्या पायाला लागली. पोलिसांनी त्या दोघांनाही अटक केली आहे. हरदीप सिंघ धिल्लोन हा आरोपी नांदेड शहरातील रहिवाशी असुन रोहीत कौडा आणि सरप्रीत सिंघ सतोहा हे दोघे पंजाब राज्यातील रहिवाशी आहेत. आरोपीकडून लुटलेले चाळीस हजार रूपये, एक पिस्टल, दोन दुचाकी असा मुद्देमाल पोलिसांनी जप्त केला आहे. जखमी आरोपीला उपचारासाठी शासकीय रुग्णालयात दाखल करण्यात आले. या तीनही आरोपींवर यापूर्वी काही गुन्हे दाखल आहेत का याबाबत आता पोलीस अधिक तपास करत आहेत.