Vande Bharat: नांदेड ते मुंबई फक्त 9 तासांत, वंदे भारत ट्रेनचं वेळापत्रक पाहिलं का?

जालना: नांदेड ते मुंबई दरम्यान प्रवास करणाऱ्या प्रवाशांसाठी आनंदाची बातमी आहे. भारतीय रेल्वेने मुंबई-जालना वंदे भारत एक्स्प्रेसचा विस्तार नांदेडपर्यंत करण्याचा निर्णय घेतला आहे. या निर्णयामुळे मराठवाड्यातील प्रवाशांना मुंबईला जलद आणि आरामदायक प्रवासाचा अनुभव घेता येणार आहे. रेल्वे मंत्रालयाने याबाबत प्रसिद्धीपत्रक जारी करून वेळापत्रक जाहीर केले आहे. ही ट्रेन आता नांदेडहून मुंबईपर्यंत अवघ्या 9 तास 15 मिनिटांत पोहोचणार आहे, ज्यामुळे प्रवासाच्या वेळेत लक्षणीय बचत होणार आहे.