माणूस की राक्षस? खरात प्रकरणात आणखी 70 महिलांचा पोलिसांना फोन, व्यथा ऐकून अधिकारी हादरले!

लक्ष्मण घाटोळ, प्रतिनिधी नाशिक: नाशिकचा भोंदूबाबा अशोक खरातला अटक करून आता १० दिवस उलटले आहेत. त्याच्या अटकेनंतर त्याच्या काळ्या कृत्यांची अनेक प्रकरण समोर येत आहेत. त्याने शोषण केलेल्या महिला, त्याने लुटलेले लोक आता समोर येत अशोक खरात विरोधात फिर्याद दाखल करत आहेत. शुक्रवारी रात्री उशिरा पुन्हा अशोक खरात विरोधात दोन नवे गुन्हे दाखल झाले आहेत. यामध्ये एका विवाहित महिलेच्या लैंगिक शोषणाचा आणि एका व्यावसायिकाच्या आर्थिक फसवणुकीचा समावेश आहे. या नवीन गुन्ह्यांमुळे अशोक खरातवर आतापर्यंत दाखल झालेल्या एकूण गुन्ह्यांची संख्या १० वर पोहोचली आहे.