नाशिकमध्ये घर खरेदी करताय, हे आहेत दोन प्राईम लोकेशन, पण दर नेमके किती?

नाशिक - नाशिक शहर हे हरित आणि पर्यावरण पूरक असे शहर असल्याने शहराचा वाढता व्याप पाहता आता अनेक भागात मोठी मोठी अपार्टमेंट बनत चालले आहे. अनेक नागरिक गुंतवणूक करण्यासाठी मोठ्या प्रमाणात नाशिक शहरात घरे अथवा प्लॉट खरेदी करण्यास उत्सुक आहेत. पण नाशिकमधील कुठल्या भागात किंवा ठिकाणी प्रॉपर्टी घ्यावी, याचबाबत आपण जाणून घेऊयात.

नाशिक शहरात सर्वात जास्त प्रमाणात मुंबई व पुणे या सारख्या भागातील नागरिक मोठ्या संख्येने गुंतवणूक म्हणून घरे अथवा प्लॉट घेताना दिसतात. त्याकरीता नाशिकमधील मुख्य ठिकाण असलेल्या नाशिक रोड परिसरात तुम्ही आपले भविष्याचे घर घेऊ शक्यता. हे ठिकाण मध्यवर्ती असून यात तुम्हला रेल्वे स्टेशन ते बसस्थानकसुद्धा जवळ आहे. तसेच काही वर्षातच या ठिकाणी अनेक मोठे प्रोजेक्ट सुद्धा बनत असल्याने येणाऱ्या काळात या ठिकाणी आपल्या प्रॉपर्टीला मोठा भाव देखील असणार आहे.

नाशिक रोड या परिसरात साधारण 2 बीएचके घराची किंमत ही 35 ते 40 लाख आहे. याठिकाणी साधारण 4 हजार रुपये प्रति स्क्वेअर फूट इतका भाव आहे. तर कमर्शियलचा भाव हा 1500 रुपये प्रति स्क्वेअर फूट इतका आहे. त्याचप्रमाणे जसे जसे तुम्ही प्राईम लोकेशन बघणार तसतसा हा भाव बदलत जाणार असल्याचे या व्यवसायातील कन्सल्टन्ट अमोल सांगळे यांनी सांगितले.