महाराष्ट्रासाठी 8 गोल्ड मेडल, राष्ट्रीय खेळाडूचा रेल्वे अपघातात दुर्दैवी अंत, जेवण आणण्यासाठी गेला अन्...

नाशिक: क्रीडा विश्वाला हादरवणारी एक धक्कादायक घटना समोर आली आहे. नाशिक जिल्ह्याच्या दिंडोरी तालुक्यातील खेडगाव येथील रहिवासी असणारा राष्ट्रीय तिरंदाज अर्जुन सोनवणे याचा राजस्थानच्या कोटा रेल्वे स्थानकावर दुर्दैवी मृत्यू झाला आहे. अर्जुन हा आपल्या सहकाऱ्यांसोबत भटिंडा येथे एका स्पर्धेसाठी गेला होता. स्पर्धा झाल्यानंतर परत येत असताना झालेल्या रेल्वे अपघातात त्याचा मृत्यू झाला. तो शकुरबस्ती-मुंबई सेंट्रल एसी स्पेशल ट्रेनने घरी परतत होता.