Ajit Pawar : बारामतीत पवारांशिवाय दुसरं कोण नाही का? अजितदादांचा सवाल

बारामती : विधानसभा निवडणुकीच्या प्रचारासाठी फक्त एकच दिवस शिल्लक असून सर्वच राजकीय पक्षांकडून सभांचा धडाका सुरू आहे. राष्ट्रवादी काँग्रेसचे नेते अजित पवार यांनी बारामतीमध्ये माळेगाव इथल्या सभेत स्थानिक पुढाऱ्यांना स्पष्ट शब्दात सुनावलं. माळेगावमध्ये आधी कुसळं यायची, आता इथं काय परिस्थिती आहे याचा विचार करून मला साथ द्या. इथले काही पुढारी चुकीचं काम करतायत. मी सांगतो तुम्हाला तसं करायचं असेल तर उघड करा असं अजित पवार म्हणाले.