मृत व्यक्तीला जिवंत दाखवलं, पनवेलमध्ये माजी नगरसेवकाने हडपली कोट्यवधींची प्रॉपर्टी

नवी मुंबई जवळील पनवेल शहरात एक धक्कादायक प्रकार उघडकीस आला आहे. इथं मृत व्यक्ती जिवंत असल्याचे भासवून, त्यांच्या नावे असलेला ११०० चौरस मीटरचा भूखंड हडप केल्याचा प्रकार समोर आला आहे. या प्रकरणी सिडकोनं केलेल्या तक्रारीवरून भाजपचे माजी नगरसेवक सुनील बहिरा यांच्यासह तब्बल १२ जणांविरुद्ध पनवेल शहर पोलिसांनी गुन्हा दाखल केला आहे. या भूखंड घोटाळ्यामुळे पनवेलच्या राजकारणात आणि प्रशासकीय वर्तुळात मोठी खळबळ उडाली आहे.