तेजस्विनी लोणारीची राजकीय कुटुंबात एन्ट्री! झाली सरवणकरांची सून, लग्नाचे पहिले PHOTO

मराठी चित्रपटसृष्टीतील प्रसिद्ध अभिनेत्री अखेर राजकीय कुटुंबाची सून झाली. तेजस्विनी लोणारीने शिवसेना पक्षाचे युवा नेते समाधान सरवणकर यांच्याबरोबर लग्न केलं. दोघांचा शाही विवाहसोहळा नुकताच पार पडला.

लग्नाआधी त्यांचा साखरपुडा आणि मेहंदीचा सोहळा पार पडला होता. दोघांची हळद कुटुंबीयांच्या उपस्थिती पार पडली. तेजस्विनी लोणारी आणि सामाधान सरवणकर यांच्या लग्नाचे फोटो सध्या सोशल मीडियावर व्हायरल होत आहेत. 

तेजस्विनी आणि समाधान यांच्या लग्नाचा दिवस खूपच खास ठरला आहे. 4 डिसेंबर म्हणजे आज दत्त जयंती आणि पौर्णिमेच्या शुभ मुहूर्तावर समाधान सरवणकर आणि अभिनेत्री निर्माती तेजस्विनी लोणारी विवाह बंधनात अडकले.

विवाहसोहळ्यात तेजस्विनीने गुलाबी रंगाची खास डिझाइनर साडी नेसली होती.  समाधान यांनी पांढऱ्या रंगाचा डिझाइनर कुर्ता-पायजमा घातला होता. दोघांही पारंपरिक लुकमध्ये वधू आणि वराच्या रुपात सुंदर दिसत होते. 

समाधान सरवणकर हे शिवसेना नेते सदा सरवणकर यांचे सुपुत्र आहेत. सरवणकर कुटुंबीय त्यांच्या नव्या सुनेच्या स्वागतासाठी सज्ज असल्याचं पाहायला मिळालं.  स्थानिक राजकीय व सामाजिक प्रतिष्ठित पाहुण्यांनी तेजस्विनी आणि समाधान यांच्या लग्नाला उपस्थिती लावली होती. तेजस्विनी आणि समाधान यांच्या लग्नविधी अत्यंत पारंपरिक पद्धतीनं पार पडल्या.  

तेजस्विनी आणि समाधान यांच्या लग्नाचे फोटो समोर आल्यानंतर चाहत्यांनी आनंद व्यक्त केला आहे.   नवदांपत्याला शुभेच्छा देताना त्यांच्या भविष्यासाठी शुभेच्छा दिल्यात. तेजस्विनीच्या लग्नाचे फोटो सध्या सोशल मीडियावर व्हायरल होत आहेत. 

लग्नाच्या दोन महिने आधी म्हणजे ऑक्टोबर महिन्यात तेजस्विनी लोणारी आणि समाधान सरवणकर यांचा साखरपुडा झाला होता. तेजस्विनीने तिच्या लग्नाची माहिती कोणालाच दिली नव्हती. थेट साखरपुड्याचे फोटो शेअर करत तिनं चाहत्यांना सरप्राइज दिलं होतं. 

तेजस्विनी लोणारीनं साखरपुड्याच्या काही महिने आधीच एका मुलाखतीत बोलताना तिला लग्नासाठी मुलगा मिळत नसल्याचं सांगितलं होतं. त्यानंतर काही दिवसांतच तिने साखरपुडा करत चाहत्यांना आश्चर्याचा धक्का दिला.