परभणीत शिवसेनेचा मुस्लिम महापौर होणार, हिंदू उपमहापौर होणार, नावंही ठरली, सत्तावाटपाचं सूत्र फायनल!

परभणी : चंद्रपुरात भाजपने काँग्रेसला धोबीपछाड दिल्यानंतर परभणी महापालिकेच्या महापौरपदाच्या निवडणुकीकडे राज्याचे लक्ष लागले आहे. हाती आलेल्या वृत्तानुसार, काँग्रेस आणि शिवसेनेच्या बैठकीत सत्तावाटपाचे सूत्र ठरले असून शिवसेनेकडे महापौरपद तर काँग्रेसकडे उपमहापौरपद जाणार आहे. शिवसेनेकडे मुस्लिम नगरसेवकांची अधिक असल्याने महापौरपदासाठी मुस्लिम चेहरा देण्याचे पक्षाचे ठरले असल्याची माहिती सूत्रांनी दिली. दुसरीकडे काँग्रेसनेही उपमहापौरपदाचे नाव निश्चित केले आहे.