DGP सदानंद दाते यांच्या नावाने सव्वा २ कोटींची खंडणी उकळली, बनावट सही केली, भामटा सापडलाच!

पोलिसांनी दिलेल्या माहितीनुसार, मकवाना सायबर फसवणूक करणाऱ्यांच्या संपर्कात होता आणि फसवणूक करण्यासाठी पीडितेच्या बँक खात्याचा वापर करत होता. ७७ वर्षीय पीडित ज्येष्ठ नागरिक गोरेगाव येथे राहतात. नोव्हेंबर २०२५ मध्ये, त्यांना दोन बनावट पोलिस अधिकाऱ्यांचा फोन आला. तुमच्या आधार कार्डचा वापर करून जम्मू काश्मीरमध्ये एका बँकेत खाते उघडल्याचा दावा केला. या खात्यात दहशतवाद्यांच्या नावाने ठेवी आहेत. जर त्याला या प्रकरणातून सुटायचे असेल तर ७० रुपये द्यावे लागतील. जर तपासात सहकार्य करू शकला नाही तर त्याला अटक केली जाईल, असे कथित पोलीस अधिकाऱ्यांनी ज्येष्ठाला सांगितले. तसेच व्हाॉट्सअॅपवर बनावट वॉरंटही पाठवले.

नंतर १८ नोव्हेंबर ते ३ डिसेंबर या कालावधीत, ज्येष्ठ नागरिकाला या प्रकरणातून वाचवण्याच्या नावाखाली, अनेक वेळा धमकावले आणि त्यांच्या बँक खात्यात २.२५ कोटी रुपये ट्रान्सफर करायला लावले. पैसे ट्रान्सफर झाल्यानंतर, आरोपींचे कॉल अचानक बंद झाले. नंतर, आपण सायबर फसवणुकीचा बळी झालो आहे, हे ज्येष्ठ व्यक्तीच्या लक्षात आले. नंतर त्यांनी पोलिसांत तक्रार दिली.

सदानंद दाते यांच्या नावाचा वापर करून आतापर्यंत अनेक वेगवेगळ्या प्रकरणात फसवणूक आणि लूट झाल्याची प्रकरणे आहेत. यात प्रामुख्याने 'डिजिटल अरेस्ट' या पद्धतीचा वापर करण्यात आला असून दाते यांच्या नावाचा वापर करून फसवणूक केल्याची ही चौथी घटना आहे. चारही प्रकरणात गुन्हे दाखल आहेत.

- या प्रकरणात मुंबई पोलिसांनी 6 आरोपींच्या एका टोळीला अटक केली आहे अटक

- या टोळीनं सदानंद दाते यांच्या नावाचा वापर करून 'डिजिटल अरेस्ट'च्या नावाखाली 70 लाख रुपयांची केली होती ऑनलाइन फसवणूक

-एका 75 वर्षीय निवृत्त कर्मचाऱ्याला दिल्लीतील बॉम्बस्फोट आणि मनी लाँड्रिंगच्या गुन्ह्यात अडकवण्याची दाखवली भीती

-सदानंद दाते यांच्या नावाने साडेसोळा लाखाची केली फसवणूक

-या गुन्ह्याचा तपास सुरू

-व्हॉट्सॲपवर दोन वेगवेगळ्या क्रमांकांवरून अश्लील फोटो पाठवून केलं ब्लॅकमेल

-कायदेशीर कारवाईची भीती दाखवून 10 लाखाची मागितली खंडणी

-या दाखल गुन्ह्याचा तपास सुरू