Pune: दुचाकीवर तिघे होते, बसची धडक, तिघांचाही जागेवरच मृत्यू, मंचर भीमाशंकर रस्त्यावर घटना

उत्तर प्रदेश पासिंगची खासगी प्रवासी बस ही भीमाशंकरच्या दिशेने जात होती. तर मोटारसायकल घोडेगाववरून मंचरच्या दिशेने जात असताना घोडेगाव शहरानजीक असणाऱ्या पळसटीका फाट्यावर बस आणि मोटार सायकलची समोरासमोर धडक झाली.

धडकेनंतर बसने मोटर सायकलला काही अंतर फरफटत नेले असून मोटार सायकलचा अक्षरशा चेंदामेंदा झालाय. या भीषण अपघातात मोटार सायकल वरून प्रवास करणारे आंबेगाव तालुक्याच्या कोळवाडी गावातील अथर्व खमसे, गणेश असवले, भारत वाजे या तीन युवकांचा जागेवरच मृत्यू झालाय. पोलिसांकडून गुन्हे दाखल करण्याची प्रक्रिया सुरू आहे.

अपघातानंतर दुचाकीची अवस्था पाहून अपघात किती तीव्रतेचा होता, हे लक्षात येते. दुचाकीवरील तिन्ही स्थानिक युवकांचा मृत्यू झाल्याने परिसरात हळहळ व्यक्त होत आहे.