Ganesh Chaturthi 2025: पुण्यातील मानाच्या गणपतीचे दागिने कोण बनवतं? या दागिन्यांना परदेशातूनही मागणी

पुणे: सांस्कृतिक नगरी असलेल्या पुण्यातील गणेशोत्सवाला मोठी ऐतिहासिक परंपरा आहे. शहरातील भव्य गणपती आणि ढोल-ताशांच्या गरजार निघणाऱ्या मिरवणुका जगप्रसिद्ध झाल्या आहेत. पुण्यातील गणेशोत्सवात मानाच्या पाच गणपतींना फार महत्त्व आहे. या गणपतींच्या मूर्ती, वस्त्रं, सजावट आणि दागिन्यांना देखील विशेष महत्त्व आहे. पुण्यातील नितीन करडे हे मागील 38 वर्षांपासून मानाच्या आणि इतर मंडळांच्या गणेश मूर्तीसाठी चांदीचे दागिने घडवण्याचं काम करतात. लोकल 18ने याबाबत अधिक माहिती जाणून घेतली.