Pune MPSC Students Accident : सदाशिव पेठेत टपरीवर चहा पिण्यासाठी आले होते, MPSC च्या १२ विद्यार्थ्यांना कारने उडवले

शनिवारी सायंकाळी सदाशिव पेठेतील भावे हायस्कूलजवळ असलेल्या नाथसाई या चहाच्या दुकानात सर्व विद्यार्थी चहा घेण्यासाठी थांबले होते. तेव्हा भरधाव वेगाने आलेल्या टुरिस्ट गाडी हुंडाईने या १२ जणांना उडवले. दरम्यान विश्रामबाग पोलिसांनी कार चालकाला ताब्यात घेतले असून पुढील तपास सुरू आहे. सर्व जखमींना संचेती आणि मोडक रुग्णालयात उपचारासाठी दाखल केले आहे. या अपघाताचे वृत्त कळताच घटनास्थळी विद्यार्थ्यांची मोठी गर्दी झाली होती.

या घटनेत काही विद्यार्थी गंभीर तर काही विद्यार्थ्यांना किरकोळ दुखापत झाली आहे. अपघातानंतर विद्यार्थ्यांना पुण्यातील विविध रुग्णालयांत उपचारासाठी दाखल करण्यात आले. सर्व विद्यार्थ्यांवर उपचार सुरू असून त्यांची प्रकृती स्थिर असल्याची माहिती आहे.