रांजणगाव गणपती: करोडो रुपयांची जमीन हडपल्याचा गुन्हा असलेल्या स्वाती पाचुंदकर भाजपमध्ये!

शिरूर (पुणे): पुणे जिल्ह्यात राष्ट्रवादी काँग्रेस शरदचंद्र पवार पक्षाला मोठा धक्का बसला असून पुणे जिल्हा परिषदेचे माजी सदस्य शेखर पाचुंदकर यांच्यासह रांजणगाव देवस्थान ट्रस्टच्या अध्यक्षा आणि माजी जिल्हा परिषद सदस्या स्वाती पाचुंदकर यांनी मुंबईत भाजपमध्ये पक्षप्रवेश केला. स्वाती पाचुंदकर या सरपंच असताना ग्रामपंचायतीची ७२ गुंठे जागा हडपल्याचा गुन्हा त्यांच्या नावावर दाखल आहे. या प्रकरणात रांजणगाव ग्रामपंचायतीच्या लिपीक आणि ग्रामसेवकाला अटक झाली होती. मात्र स्वाती पाचुंदकर यांनी सर्वोच्च न्यायालयात जाऊन अटकपूर्व जामीन मिळवला.