सगळीकडे होतंय कौतुक! मुंबईतील 'या' सोसायटीचा सुपर फॉर्म्युला, रहिवासी व्हा अन् वर्षाला २.५ लाख मिळवा

मुंबई : मुंबईसारख्या महानगरात स्वतःचे घर असणे हे अनेक मध्यमवर्गीयांचे स्वप्न असते. मात्र हे स्वप्न पूर्ण करताना घराच्या किमती, कर, वीज-पाणी बिलांसोबतच दरमहा भरावा लागणारा सोसायटी मेंटेनन्स अनेकांसाठी डोकेदुखी ठरतो. विशेषतः दक्षिण मुंबईसारख्या पॉश परिसरात तर मेंटेनन्सचे आकडे हजारोंपासून थेट लाखांपर्यंत जातात. मात्र, याच दक्षिण मुंबईतील कफ परेड परिसरात अशी एक गृहनिर्माण संस्था आहे, जिथे रहिवाशांना एक रुपयाही मेंटेनन्स भरावा लागत नाही. उलट, वर्षाअखेरीस त्यांच्या खात्यात लाखोंची रक्कम जमा होते. ही अनोखी सोसायटी म्हणजे कफ परेडमधील ‘जॉली मेकर’