आंदोलनाची ठिणगी पेटली, रोहित पवार यांच्याकडून प्रतिकात्मक EVM मशीनची होळी

अहिल्यानगर : महाराष्ट्र विधानसभा निवडणुकीत भाजप, शिवसेना शिंदे गट आणि राष्ट्रवादी अजित पवार गट यांच्या महायुतीला स्पष्ट बहुमत मिळाले असून शिवसेना ठाकरे गट, राष्ट्रवादी शरद पवार गट आणि काँग्रेस यांच्या महाविकास आघाडीला लोकसभेच्या तुलनेत मोठा फटका बसलाय. या निवडणुकांमध्ये ईव्हीएम मुळे मोठ्या प्रमाणावर महाविकास आघाडीला फटका बसल्याचा आरोप महाविकास आघाडीतून केला जात आहे, ईव्हीएम च्या विरोधात महाविकासआघाडी आक्रमक झाले असून आता अहिल्यानगर जिल्ह्यातील पाथर्डी-शेवगाव विधानसभा मतदारसंघात राष्ट्रवादीचे पराभूत उमेदवार प्रताप ढाकणे यांच्या मतदारसंघात राष्ट्रवादी शरद पवार गटाचे आमदार रोहित पवार यांच्या नेतृत्वाखाली ईव्हीएम विरोधात पहिले आंदोलन करण्यात आले आहे.