Sadhvi Pragya Thakur : मालेगाव स्फोटातून निर्दोष मुक्तता, भावूक झालेल्या साध्वी प्रज्ञा सिंहची पहिली प्रतिक्रिया

29 सप्टेंबर 2008 रोजी मालेगावातील भिकू चौकात एका दुचाकीत बॉम्बस्फोट झाला. यात 6 जणांचा मृत्यू झाला होता. त्यानंतर तपासाची सूत्रे दहशतवादविरोधी पथकाकडे (ATS) सोपवण्यात आली. एटीएसने आपल्या तपासाची चक्रे वेगाने फिरवत साध्वी प्रज्ञा सिंह ठाकूर आणि इतर आरोपींना अटक केली होती. एनआयए विशेष कोर्टाने आज साध्वी यांची निर्दोष सुटका केली. साध्वी प्रज्ञा सिंह यांनी म्हटले की, माझा अपमान झाला, वारंवार संघर्ष करावा लागला. मी संन्यासी आहे म्हणून जिवंत असल्याची भावना साध्वी प्रज्ञा सिंह यांनी व्यक्त केली. माझं आयुष्य उद्धवस्त करण्यात आलं. आजच्या निकालानंतर हिंदुत्वाचा विजय झाला. दोषी नसताना कलंकित करण्यात आल्याची भावना साध्वी प्रज्ञा सिंह यांनी व्यक्त केली.