संगमनेर हादरले! सहावीत शिकणाऱ्या चिमुरडीवर अ‍ॅसिड हल्ला; शाळेतून घरी जाताना नराधमाचे कृत्य

अहिल्यानगर: संगमनेर तालुक्यातील वडगाव पान येथे माणुसकीला काळीमा फासणारी एक अत्यंत भीषण घटना समोर आली आहे. इयत्ता सहावीत शिकणाऱ्या एका 12 वर्षीय अल्पवयीन मुलीवर अज्ञात माथेफिरूने अ‍ॅसिड फेकून हल्ला केला आहे. शाळा सुटल्यानंतर घराकडे जात असताना हा प्रकार घडला असून, या हल्ल्यात मुलगी गंभीर जखमी झाली आहे. तालुक्यात दोन दिवसांत घडलेल्या दुसऱ्या प्राणघातक हल्ल्यामुळे महिला आणि विद्यार्थ्यांच्या सुरक्षेचा प्रश्न ऐरणीवर आला आहे.