सांगलीच्या विद्यार्थिनी सुरक्षित! 'गाव ते शाळा' बससेवेसाठी आता महिला कंडक्टरची नियुक्ती; प्रवास होणार बिनधास्त

सांगली : ग्रामीण भागातील विद्यार्थिनींना 12 वीपर्यंतचे शिक्षण कोणत्याही अडथळ्याविना घेता यावे यासाठी, 'गाव ते शाळा' या बससेवेला एसटी महामंडळाने अधिक सुरक्षित बनवले आहे. या शालेय बसफेऱ्यांसाठी आता महिला वाहक (कंडक्टर) नेमण्याचे आदेश राज्य परिवहन महामंडळाच्या महाव्यवस्थापकांनी दिले आहेत. सांगली जिल्ह्यातील सर्व एसटी आगारांमध्ये 171 महिला वाहक कार्यरत असून, बहुसंख्य महिला वाहकांची नियुक्ती शालेय बसफेऱ्यांसाठीच करण्यात आली आहे.