सांगलीच्या थकबाकीदारांनो, सावध व्हा! मालमत्ता होणार सील, चौकात झळकणार नावं, 94 कोटी वसुलीसाठी महापालिकेची मोहीम

सांगली : महापालिकेने थकीत 94 कोटी रुपयांच्या घरपट्टी वसुलीसाठी आता कंबर कसली आहे. महापालिकेने 50 हजारांहून अधिक थकबाकी असलेल्या 2095 मालमत्ताधारकांना नोटिसा बजावल्या आहेत. त्याचबरोबर, 5 हजारांहून अधिक थकबाकी असलेल्या 34, 195 मालमत्ताधारकांनाही नोटिसा पाठवण्यात येत आहेत. आज (दि. ६ ऑगस्ट) पासून प्रत्यक्ष कारवाईला सुरुवात होणार असून, पहिल्या दिवशी 10 मालमत्ता सील केल्या जाणार आहेत. इतकंच नाही, तर मोठ्या थकबाकीदारांची नावे शहराच्या प्रमुख चौकांमध्ये आणि वृत्तपत्रांमध्ये प्रसिद्ध केली जाणार आहेत.