... तर कदाचित आज तिचा जीव वाचला असता, अतिरिक्त पोलीस अधीक्षकांचे वक्तव्य, PSI बदनेबद्दल म्हणाल्या....

सातारा : सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरने आत्महत्या केल्याने राज्यभरात खळबळ उडाली आहे. तिने तिच्या तळहातावर एक चिठ्ठी लिहून पोलिस उपनिरीक्षकावर बलात्कार आणि मानसिक छळाचा आरोप केला आहे. पोलीस उपनिरीक्षक बदने यांनी तिच्यावर वारंवार बलात्कार केला होता. तसेच पोलीस अधिकारी बनकर यांनी तिचा सलग चार महिने मानसिक छळ केला होता, असा आरोप पीडित डॉक्टरने केला आहे. या दुर्दैवी घटनेवर राज्यभरातून संतप्त प्रतिक्रिया व्यक्त होत असताना साताऱ्याच्या अतिरिक्त पोलीस अधीक्षक वैशाली कडूसकर यांनी घटनेवर दु:ख व्यक्त करीत आरोपींना कठोर शिक्षा होईल, असे सांगितले.