पैसे नसताना तिजोरीची होळी करून सत्तेची दिवाळी करणं सुरू, सरकारला घरी बसवा, कोल्हे आक्रमक

अमोल कोल्हे म्हणाले, याआधी फलटणला जेव्हा यायचो तेव्हा इथे तुतारी वाजलीच पाहिजे असे वाटायचे. पण अखेर आज योग आला. संजीवराजे नाईक निंबाळकर आणि रघुनाथराजे निंबाळकर यांनी निर्णय घेतला. दीपक चव्हाण आज पक्षात प्रवेश करत आहेत. आता फलटणमध्ये तुतारी वाजल्याशिवाय राहणार नाही, असे कोल्हे म्हणाले.

आतापर्यंत तेल, बिस्किट, साखर विकत घेता यायची. परंतु आमदार खरेदी करता येतात, हे भाजपने दाखवून दिले. आमदारांना ईडी सीबीआय सारख्या संस्थाचा धाक दाखवून यांनी आपल्या लोकांना पक्षात घेतले. पण महाराष्ट्रातील स्वाभिमानी जनतेने दिल्लीसमोर गुडघे टेकणं बस्स झालं असे म्हणत ताठ मानेने निर्णय घेण्याचे ठरवले आहे. इकडे हरियाणासारखी परिस्थिती निर्माण होणार नाही. राज्यात आपली महाविकास आघाडीच जिंकेल, असे कोल्हे म्हणाले.

मतांची झाली कडकी म्हणून लोकसभेनंतर झाली बहीण लाडकी... तिजोरीत खडखडाट असताना सरकारने तिजोरीची होळी करून सत्तेची दिवाळी करण्याचे ठरवेल आहे. त्यामुळे या सरकारला घरी बसविण्याची वेळ आली आहे, असे कोल्हे म्हणाले.