सातारा ते स्वारगेट धावणार इलेक्ट्रॉनिक बसेस, यामध्ये सुविधा काय, दर किती असणार?, VIDEO

सातारा : राज्य परिवहन मंडळाच्या सातारा आगाराच्या ताफ्यात 5 इलेक्ट्रॉनिक बस दाखल झाल्या आहेत. या 5 इलेक्ट्रॉनिक गाड्या सातारा ते स्वारगेट विना थांबा धावणार आहेत. याचा लोकार्पणदेखील करण्यात आयोजित करण्यात आला. या इलेक्ट्रॉनिक बसमुळे प्रवास हा सुखकर झाल्याचे पाहायला मिळत आहे. या गाड्या प्रदूषण विरहित असल्यामुळे निसर्गाला धूर ओखणाऱ्या वाहनांमुळे जी हानी पोहोचत होती, ती होत नसल्याने नागरिकांमधूनही समाधान व्यक्त केले जात आहे. या इलेक्ट्रॉनिक बसेस बाबतची अधिक माहिती विभागीय वाहतूक अधिकारी ज्योती गायकवाड यांनी दिली.

सातारा जिल्ह्याला खूप मोठी निसर्ग संपदा लाभले आहे. सातारा जिल्ह्यातून गेलेल्या सह्याद्रीच्या पर्वतरांगांमध्ये मौल्यवान दुर्मिळ वनस्पती आहेत. पण धूर ओकणाऱ्या वाहनांमुळे या निसर्गाला हानी पोहोचत होती. त्यामुळे प्रदूषण विरहित गाड्याची मागणी नागरिकांमधून होत होती. राज्यातील विविध विभागात गेल्या काही महिन्यांपासून इलेक्ट्रॉनिक गाड्या दाखल झाले आहेत. त्यामुळे साताऱ्यात या गाड्या याव्यात अशी अपेक्षा व्यक्त केली जात होती.

अखेर पहिल्या टप्प्यात सातारा विभागाकडे 5 इलेक्ट्रॉनिक बस दाखल झाल्या आहेत. त्याचबरोबर आणखी काही दिवसात 5 इलेक्ट्रॉनिक बस येणार आहेत. अशाप्रकारे एकूण सातारा ते स्वारगेट महामार्गावर एकूण 10 इलेक्ट्रॉनिक बस धावणार असल्याची माहितीही त्यांनी यावेळी दिली.