बाबा घरी कधी येणार? अडीच वर्षांच्या 'साहिशा'चा हिरो हरपला, साताऱ्याच्या सुपुत्राला काश्मीरमध्ये वीरमरण

सातारा : जम्मू काश्मिरच्या पूंछ जिल्ह्यात मंगळवारी सायंकाळी भारतीय सैन्यदलाची एक गाडी दरीत कोसळली होती. गाडीचा मेंढरच्या बलनोई परिसरात रस्ता चुकला होता. यानंतर ही गाडी खोल दरीत कोसळली. यात ५ जवानांचा मृत्यू झाला, तर १२ जवान जखमी झाले होते. आता मृतांमध्ये महाराष्ट्राच्या दोन जवानांचा समावेश असल्याची माहिती समोर आली आहे. साताऱ्यातील शुभम समाधान घाडगे (२८) आणि चंद्रपूर जिल्ह्याच्या वरोरा तालुक्यातील पिंपळगाव येथील जवान अक्षय निकुरे अशी या मृत जवानांची नावं आहेत.