Satara : प्रियकराने इमारतीवरून ढकलले, प्रेयसीचा मृत्यू; साताऱ्यातील घटनेने खळबळ

सातारा : उरणमधील यशश्री शिंदे हत्याकांड चर्चेत असताना राज्यात इतर ठिकाणीही प्रेम प्रकरणातून हल्ला आणि खूनाच्या घटना समोर येत आहेत. आता कराडमध्ये प्रियकराने प्रेयसीला इमारतीवरून ढकलल्याने मृत्यू झाल्याच्या घटनेने खळबळ उडाली आहे. कराडमध्ये एका वैद्यकीय महाविद्यालयात शिक्षण घेणाऱ्या तरुणीला तिच्या प्रियकराने इमारतीवरून ढकलल्याची घटना घडलीय. यामध्ये तरुणीचा मृत्यू झाला असून मंगळवारी रात्री ११ वाजता ही घटना घडली. २१ वर्षीय तरुणीचं नाव आरुषी सिंग असं आहे. ती मलकापूरमध्ये राहून वैद्यकीय शिक्षण घेत होती.