Jalgao : एकाच आठवड्यात सात अल्पवयीन मुलींवर अत्याचार, जळगाव हादरलं

नितीन नांदुरकर, प्रतिनिधी जळगाव, 13 ऑगस्ट : जळगाव जिल्ह्यात एकाच आठवड्यात सात मुलींवर अत्याचार झाल्याची खळबळजनक घटना घडली आहे, यातील सर्व आरोपींना अटक केली असली, तरी यात पाचोरा तालुक्यातील गोंदेगावमध्ये एका सात वर्षांच्या चिमुकलीला अत्याचार केल्यानंतर नराधमाने जीवे ठार मारले. तर पारोळा तालुक्यातील धुळपिंप्री गावातील एका अल्पवयीन मुलीवर अत्याचार करून तिला गंभीर जखमी केले. या सोबतच एरंडोलात असलेल्या मुलींच्या वस्तीगृहातील तीन मुलींवर गेल्या काही वर्षापासून तेथील वस्तीगृहाच्या रकक्षकासह इतर सहकाऱ्यांनी अत्याचार केल्याची घटना समोर आली. यातील सर्व आरोपींना पोलिसांनी ताब्यात घेतले असले तरी या आठवड्यात झालेल्या अत्याचाराच्या घटनेने मात्र जळगाव जिल्हा हादरून गेला आहे.