'त्यांच्या' कुणी नादाला लागेल असं वाटत नाही, CM पदावरून शरद पवार यांची लक्षवेधी कमेंट

मुंबई : महायुती सरकारने अडीच वर्षात केलेले काम, निवडणुकीच्या तोंडावर आणलेली लाडकी बहीण योजना, बटेंगे तो कटेंगे, एक है तो सेफ है अशा घोषणांनी केलेले धार्मिक ध्रुवीकरण अशा सगळ्याचा फायदा निवडणुकीत महायुतीला झाला आणि पुन्हा एकदा राज्यात युतीचे सरकार आले. भारतीय जनता पक्षाला सर्वात जास्त म्हणजे १३२ जागा मिळाल्या. त्याचबरोबर एकनाथ शिंदे आणि अजित पवार यांच्या पक्षालाही घवघवीत यश मिळाले. महाराष्ट्र विधानसभेचे निकाल पाहून मुख्यमंत्री एकनाथ शिंदे यांनी मुख्यमंत्रीपदावरून गुगली टाकली. मुख्यमंत्रिपदावर आमचे काहीही ठरले नाही, ज्याच्या जास्त जागा त्याचा मुख्यमंत्री असे काहीही सूत्र ठरलेले नाही, असे सांगत मुख्यमंत्रिपदावर आपला अप्रत्यक्ष दावा त्यांनी सांगितला.