मीनाताईंच्या पुतळ्यावर ठाकरेंच्या कार्यकर्त्याच्या भावानेच रंग फेकला, पोलिसांकडे धक्कादायक कबुली

मुंबई : बाळासाहेबांच्या पत्नी मिनाताई ठाकरे यांच्या पुतळ्यावर काही अज्ञातांनी रंग उडवल्यामुळे खळबळ माजली. मीनाताईंचा हा पुतळा मुंबईच्या अत्यंत वर्दळीच्या असलेल्या शिवाजी पार्क भागात आहे. मीनाताई ठाकरे प्रत्येक शिवसैनिकाला आदरस्थानी असल्याने या घटनेमुळे काही काळ तणावही निर्माण झाला. या घटनेनंतर दोन्ही ठाकरे बंधुंनी पुतळ्याची पाहणीसुद्धा केली. त्यानंतर कृ्त्य करणाऱ्या खोडसाळ व्यक्तीचा शोध सुरू झाला. अखेर 12 तासानंतर अटक करण्यात आला असून आरोपी उद्धव ठाकरेंच्या कार्यकर्त्याचा चुलत भाऊ असलयाची धक्कादायक माहिती समोर आली आहे. ही माहिती विश्वसनीय सूत्रांची न्यूज १८ लोकमतला दिली आहे.