एकनाथ शिंदेंची प्रकृती बिघडताच पुत्र श्रीकांत शिंदे दरे गावात दाखल, मुंबईला कधी परतणार?

मुंबई : राज्यात सत्तास्थापनेच्या घडामोडी सुरू असतानाच काळजीवाहू मुख्यमंत्री एकनाथ शिंदे हे त्यांच्या दरे या मूळगावी गेले. यामुळे महायुतीची बैठक पुढे ढकलावी लागली. महायुतीच्या सरकारमध्ये देवेंद्र फडणवीस हे मुख्यमंत्री असतील हे आता स्पष्ट झालंय. पण मंत्रि‍पदांचं वाटप आणि उपमुख्यमंत्रिपद याचा पेच अद्याप सुटलेला नाही. शिंदे गावी गेल्यानंतर आजारी पडल्यानं त्यांच्याशी इतर नेत्यांचाही संपर्क होऊ शकलेला नाही. शिवसेनेचे नेते दीपक केसरकर हेसुद्धा न भेटताच दरे गावातून परतल्याची माहिती समजते.