९ जिल्हे ४५ अधिकारी १२० तास झडती, 200 कोटींचं सापडलं घबाड, महाराष्ट्रातील सर्वात मोठी रेड
- Published by:Kranti Kanetkar
Last Updated:
सोलापुरात 120 तास चाललेल्या रेडमध्ये 200 कोटींहून अधिक बेहिशेबी मालमत्ता, सोनं, चांदी, रोकड, पुणे मुंबई प्लॅटचे कागदपत्र जप्त; आयकर विभाग हादरला.
रेड सिनेमा पाहिला असेल त्या सिनेमासारखीच परिस्थिती महाराष्ट्रातील एका जिल्ह्यात घडली आहे. सोलापुरातून सुरू झालेली रेड 120 तास चालली ही सर्वात मोठी रेड होती ज्यामध्ये 200 कोटींहून अधिक बेहिशेबी मालमत्ता असल्याचं समोर आलं आहे. सोनं, चांदी, जमीन, प्रॉपर्टी आणि बरंच काही यामध्ये सापडलं आहे. 9 जिल्हे, 45 अधिकारी आणि 120 कर्मचाऱ्यांसोबत ही रेड पाच दिवस सुरू होती.
सोलापूर जिल्ह्यातील दोन प्रमुख सराफांपासून हे धाडसत्र सुरू झालं. सराफांच्या पतपेढ्या, बांधकाम व्यवसायिक आणि त्यांच्याशी संबंधित इतरांशी असलेले धागेदोरे, पाळंमुळं शोधून काढण्यात आले. व्यावसायिकांचं घरं आणि कार्यलयं मिळून 16 ठिकाणी छापेमारी केली आहे. या कारवाईमध्ये किती आणि काय काय सापडलं याबाबत अद्याप सविस्तर माहिती देण्यात आली नाही.
या छाप्यादरम्यान ६ किलो सोनं, ८० किलो चांदीच्या स्टॉकमध्ये तफावत जाणवत आहे. २ कोटींची रोकड आणि 200 कोटींहून अधिक बेहिशेबी मालमत्तेची कागदपत्र जप्त करण्यात आली आहेत. एका सराफाने कागदावर 2200 किलो चांदीची विक्री दाखवली मात्र प्रत्यक्षात 80 किलोच्या चांदीची विक्री झाली होती. 9 कोटींचे दागिने परस्पर विक्री केल्याचं या तपासातून समोर आलं.
advertisement
सीसीटीव्ही व्हिडीओमध्ये व्यावसायिकाने काही पुरावे नष्ट केल्याचं दिसत आहे. तर माळ्यावर भंगाराच्या वस्तूंमध्ये कोट्यवधि रुपयांचे पैसेही सापडले आहेत. पुणे, सोलापूर, मुंबईतील प्लॅटशी संबंधित कागदपत्रही सापडले आहेत. हा सगळा प्रकार पाहून आयकर विभागाचे अधिकारी देखील चक्रावले आहेत.
view commentsLocation :
Solapur,Maharashtra
First Published :
November 27, 2025 1:34 PM IST
मराठी बातम्या/महाराष्ट्र/
९ जिल्हे ४५ अधिकारी १२० तास झडती, 200 कोटींचं सापडलं घबाड, महाराष्ट्रातील सर्वात मोठी रेड


