मित्राचा विरह जिव्हारी! अंत्यसंस्कार सुरू असताना जिगरी दोस्ताने संपवलं जीवन, सोलापुरातील मन हेलावणारी घटना!

प्रीतम पंडित, प्रतिनिधी सोलापूर: सोलापूर जिल्ह्याच्या मंद्रूप पोलीस ठाण्याच्या हद्दीत एक हृदय पिळवटून टाकणारी घटना समोर आली आहे. इथं एका मित्राने आत्महत्या केल्यानंतर त्याचं दुःख सहन न झाल्यानं दुसऱ्या मित्रानेही टोकाचं पाऊल उचललं आहे. दक्षिण सोलापूर तालुक्यातील वांगी गावात दोन जिवलग मित्रांनी काही तासांच्या अंतराने अशाप्रकारे जीवन संपवल्याने संपूर्ण परिसरात शोककळा पसरली आहे.