खाकीचं स्वप्न अधुरं! नदीच्या पात्रात पोहण्यासाठी उतरलेला अजय परतलाच नाही, सोलापुरातील हृदयद्रावक घटना

अजय हा केवळ एक तरुण नव्हता, तर आपल्या कुटुंबाचा आधारस्तंभ होता. त्याचे स्वप्न पोलीस दलात भरती होण्याचे होते. त्यासाठी तो माचणूर येथील जयहिंद करिअर अकॅडमीमध्ये दिवस-रात्र घाम गाळत होता. मैदानी चाचणी असो वा लेखी परीक्षा, प्रत्येक गोष्टीत तो आघाडीवर असायचा. यंदा वर्दी मिळवूनच घरी येईन, हा त्याचा निर्धार एका क्षणात भीमेच्या पात्रात विरून गेला. त्याच्या पश्चात आई, वडील आणि एक भाऊ असा परिवार आहे. ऐन तारुण्यात मुलाचा असा दुर्दैवी अंत झाल्याने पुजारी कुटुंबावर दुःखाचा डोंगर कोसळला आहे. एका कर्तव्यदक्ष पोलीस ऑफिसरला पाहण्याचे आई-वडिलांचे स्वप्न आता कधीच पूर्ण होणार नाही, ही जाणीव सर्वांचे डोळे ओलावणारी आहे.