Ashadhi Wari 2025: पंढरीत येणाऱ्या भाविकांसाठी मोठी गुडन्यूज; आज नवरात्रापासून दर्शनाचे नियम बदलले

पंढरपूर (सोलापूर) : आषाढी वारी सोहळा जवळ आला आहे. 06 जुलै रोजी आषाढी एकादशी साजरी होणार आहे. आपल्या लाडक्या पांडुरंगाचं, विठुरायाचं दर्शन घेण्यासाठी हळूहळू वारकरी पंढरीच्या दिशेनं मार्गस्थ होत आहेत. काही वारकरी पंढरीत दाखलही झाले आहेत. वारीत दाखल होणाऱ्या भाविकांची कोणत्याही प्रकारची गैरसोय होऊ नये म्हणून प्रशासनाने पूर्ण तयारी केली आहे. तसेच आजपासून श्री विठ्ठलाचे नवरात्र चालू झाले असून भाविकांसाठी विठ्ठल-रुक्मिणी मंदिर दर्शनासाठी 24 तास खुले राहणार आहे. याबाबतची माहिती विठ्ठल मंदिर समितीचे सहअध्यक्ष गहिनीनाथ महाराज औसेकर यांनी दिली.