सोलापुरात फुलले तब्बल 1008 पाकळ्यांचे दुर्मिळ सहस्त्र कमळ, काय आहे यात विशेष, VIDEO

सोलापूर : सोलापूर शहारातील गणपती घाटानजीकच्या सकुबाई हिराचंद नेमचंद कन्या प्रशालेमध्ये दुर्मीळ सहस्त्रदल कमळ उमलले आहे. या फुलाला 10, 20 नव्हे, तर तब्बल 1008 पाकळ्या आहेत. सहस्त्रदल कमळ पुष्प हे सोलापुरात प्रथमच उमलले असल्याने बागप्रेमींकडून आश्चर्य व्यक्त करण्यात येत आहे. याबाबत अधिक माहिती कमळप्रेमी रेवती कुलकर्णी यांनी लोकल18 शी बोलताना दिली.

सहस्त्रदल उमललेल्या रोपाला एकूण 3 कळ्या असून, त्यापैकी 2 कळ्या उमलल्या आहेत. थाउजंड पेटल या नावाने हे फूल ओळखले जाते. कमळप्रेमी रेवती कुलकर्णी यांनी या सहस्त्र कमळ फुलाची माहिती विद्यार्थ्यांना मिळावी या हेतूने या फुलाचे झाड लावले होते.