Ratnagiri ST: गणेशभक्तांना लागले परतीचे वेध, लालपरीसह रत्नागिरी विभाग वाहतुकीस सज्ज

रत्नागिरी : कोकणातला गणेशोत्सव जगप्रसिद्ध आहे. या सणासाठी मुंबई, ठाणे आणि इतर उपनगरांमधून लाखो चाकरमानी आपापल्या गावी जातात. सध्या कोकणात गौरी-गणपतीचा सण मोठ्या उत्साहात सुरू असून लवकरच गावी आलेले लोक पुन्हा शहरात परतणार आहेत. गणेशोत्सवानंतर गणेशभक्तांचा परतीचा प्रवास चांगला व सुखकर होण्यासाठी रत्नागिरी विभागाच्यावतीने एसटी आरक्षणाचं आवाहन करण्यात आलं होते. त्याला गणेशभक्तांनी उदंड प्रतिसाद दिला असून आतापर्यंत 21 हजार 139 एसटी बसेसचं बुकींग झालं आहे. त्यामध्ये 1355 बसेसमध्ये वैयक्तीक आरक्षण तर 784 बसेसचे ग्रुप बुकिंग झालं आहे.