डाळी, सुकामेवा आणि सिलेंडरही चोरलं, फक्त LG चं फ्रीज सोडलं, कोल्हापुरात चोरीची अजब घटना

सतबा रामा हेब्बाळकर (वय ६६) हे गेल्या काही दिवसांपासून आजारी होते. आपल्या प्रकृतीची तपासणी आणि पुढील उपचारासाठी ते आपल्या मुलाकडे गेले होते. घर बंद असल्याची संधी साधून अज्ञात चोरट्यांनी घराचे कुलूप तोडून आत प्रवेश केला आणि घरातील मौल्यवान वस्तूंवर डल्ला मारला. चोरांनी या चोरीत संतापजनक कृत्य केलं.  सोन्या चांदीच्या दागिन्यासह संपूर्ण घर साफ केलं. चोरांनी घरातून  सॅमसंग (Samsung) कंपनीचा टेलिव्हिजन, एलजी (LG) कंपनीचा फ्रिज, वाय-फाय (Wi-Fi) राउटर, नवीन मिक्सर आणि इलेक्ट्रिक एक्स्टेंशन बोर्ड सुद्धा चोरून नेले.

कहर म्हणजे,  फ्रिजमधील डाळी आणि सुका मेवा हे सुद्धा चोरांनी सोडलं नाही.  विशेष म्हणजे, चोरांनी केवळ एलजी (LG) फ्रिज चोरला नाही, तर त्या फ्रिजमध्ये आणि त्याच्या खालील कप्प्यात साठवून ठेवलेल्या डाळी, सुका मेवा आणि इतर सर्व अन्नपदार्थही सोबत नेले आहेत.