Adv Siddharth Shinde: कोर्टातील किचकट सुनावणी सोप्या भाषेत सांगणारा विधीज्ञ हरपला, ॲड. सिद्धार्थ शिंदे यांचं निधन

नवी दिल्ली: सुप्रीम कोर्टातील ज्येष्ठ वकील अॅड. सिद्धार्थ शिंदे यांचे सोमवारी रात्री हृदय विकाराच्या झटक्याने निधन झाले. दिल्लीतील एम्स रुग्णालयात त्यांनी अखेरचा श्वास घेतला. सुप्रीम कोर्टात त्यांना चक्कर आल्याने तातडीने रुग्णालयात दाखल करण्यात आले होते. मात्र, उपचारा दरम्यान त्यांची प्राणज्योत मालवली. ते 49 वर्षांचे होते. राज्यातील सत्तांतर, पक्षफुटीपासून ते विविध घडामोडींचे सुप्रीम कोर्टातील सुनावणी सोप्या शब्दांत लोकापर्यंत त्यांनी पोहचवल्या. कायदेशीर बाबींचे सोप्या शब्दात उलगडून सांगत असल्याने ते लोकप्रिय झाले होते.