Accident News : इलेक्शन ड्युटी संपवून घरी परतताना अपघात, शिक्षक आणि महसूल अधिकाऱ्याचा मृत्यू

मुंबई : विधानसभा निवडणुकीसाठी राज्यात काल २८८ जागांसाठी मतदान झालं. मतदान प्रक्रियेत काही ठिकाणी सुरुवातीला गोंधळ झाला पण राज्यभरात सुरळीत मतदान पार पडलं. बीडमध्ये मतदान केंद्रात तोडफोडीची घटना आणि नागपूरमध्ये ईव्हीएम नेणाऱ्या गाडीवर हल्ल्याचे प्रकारही घडले. दरम्यान, मतदान प्रक्रिया संपल्यानंतर घरी परतताना अपघात होऊन दोन वेगवेगळ्या घटनात दोघांचा मृत्यू झाल्याची माहिती समोर येत आहे. जळगावमध्ये शिक्षकाचं निधन झालं तर साताऱ्यात महसूल अधिकारी असणाऱ्या तरुणाचा अपघातात मृत्यू झाला आहे.