पारंपारिक लुकवर सुंदर दिसतील अशा पर्स, दादरमधील अनेकांच्या आवडीचं असं दुकान, हे आहे Location

ठाणे : आता श्रावण महिना सुरू होतो यानिमित्ताने अनेक जणी पारंपारिक कपडे परिधान करतात. सुंदर साड्या नेसून पारंपारिक लुक ट्राय करतात. अशा वेळेस महिलांना ज्या आपल्या पारंपारिक साड्यांना, कपड्यांना मॅच होतील अश्या सुंदर पर्स हव्या असतात. तुम्हालाही अशा सुंदर आणि साडीला मॅच होतील, अशा पर्स हव्या असतील तर दादर मधील एक ठिकाण तुमच्यासाठी बेस्ट ऑप्शन ठरेल.

दादर स्थानकापासून फक्त दहा मिनिटांच्या अंतरावर असणारे राणेज हे दुकान गेली अनेक वर्ष साड्यांच्या पर्सेसाठी दादरमध्ये प्रसिद्ध आहे. यांच्या इथे फक्त 100 रुपयांपासून साड्यांच्या पर्सेची किंमत सुरू होते. पारंपारिक लुकवर कोणाच्या पर्से वापरायच्या तर दादर मधील राणेज यांच्याच, हा दादरकरांचा फॉर्मुला ठरलेला आहे.

सुंदर मोठया नथी आणि साडीचा सुंदर कपडा, असे त्यांचं कॉम्बिनेशन असते. या ठिकाणी मिळणाऱ्या ब्रॉकेट पर्स तरुणाईच्या पसंतीस उतरत आहेत. नऊवारी साडीवर बहुतांशी महिला सध्या बटवा हातात घेतात. त्या बटव्यांमध्येही इथे खूप वेगवेगळे प्रकार उपलब्ध आहेत. इथे मिळणाऱ्या सगळ्या पर्सेची किंमत कमी आहे. त्यांचा कपडा त्याच सोबत शिवणकाम सुद्धा परफेक्ट असल्याने इथे खरेदी करायला येणाऱ्यांना या गोष्टी खूप आवडतात.

तुम्हालाही पारंपारिक कपड्यांवर हातात मिरवण्यासाठी सुंदर पर्स हवी असेल, तर दादरमधील राणेज पर्सेस हे दुकान तुमच्यासाठी बेस्ट ऑप्शन आहे.