Kalyan News : कल्याण मध्यरात्री हादरलं! पोलिसांनी अचानक शहराचे रस्ते केले सील; नेमकं काय घडलं?

गेल्या काही दिवसांत कल्याण-डोंबिवली परिसरात रात्रीच्या वेळी चोरी, वाहनांची तोडफोड, रेल्वे स्थानक परिसरात संशयास्पद हालचाली आणि अंमली पदार्थांचे सत्र वाढले होते. या पार्श्वभूमीवर पोलीस उपायुक्त अतुल झेंडे यांच्या मार्गदर्शनाखाली तब्बल 240 पोलिस अधिकारी आणि कर्मचारी शनिवारी रात्री आठ वाजल्यापासून पहाटे चारपर्यंत मोहिमेत उतरले. रेल्वे स्थानक परिसर, गल्लीबोळ, रिकामे मैदान, झाडाझुडपांमागे, वाहनतळ, अशा ठिकाणी पोलिसांनी अचानक छापा टाकून धक्कादायक वास्तव समोर आणले.

या मोहिमेमुळे रात्रीच्या शहराचा चेहरामोहरा बदलल्यासारखा झाला. रस्त्यांवर पोलिसांचे ताफे, सायरनचा आवाज, धावत सुटलेले गुंड आणि चौकात उभे असलेले अधिकारी, हे दृश्य चित्रपटातील सीनसारखं दिसत होतं. पोलिस ठाण्यात पकडलेल्या समाजकंटकांची चौकशी सुरू असून सर्वांवर गुन्हे दाखल करून न्यायालयीन कारवाई केली जाणार आहे.