याठिकाणी मिळतात घरासारखे पौष्टिक पोहे, दरही कमी अन् चवही भारी! हे आहे लोकेशन

ठाणे : सकाळी नाश्त्यासाठी पोहे ही सर्वांची पहिली पसंती असते. त्यात जर ते पोहे वेगवेगळ्या प्रकारचे असतील तर आणखीनच उत्तम. असेच एक ठिकाण आहे, ज्याठिकाणी वेगवेगळे प्रकारचे पोहे मिळतात. हे दुकान नेमकं कुठे आहे, या दुकानाचे वैशिष्ट नेमकं काय आहे, हे जाणून घेऊयात.

सुशांत यांचं कॉमर्समधून शिक्षण झालं असून जॉबमध्ये त्यांना फारसा रस नव्हता. आपणही काहीतरी व्यवसाय करायला हवा ही इच्छा त्यांची पूर्वीपासूनच होती. त्यात अडीच वर्षांपूर्वी त्यांनी व त्याच्या मोठ्या भावाने मिळून नाश्त्यासाठीच्या या दुकानाला सुरुवात केली. पोवाह असे या दुकानाचे नाव आहे. याठिकाणी पोह्यांचे अनेक प्रकार मिळतात. यात क्लासिक पोहा, तर्री पोहा, वांगी पोहा आणि कॉर्न पोहा यांचा समावेश आहे. या सगळ्या पोह्यांची किंमत फक्त 25 रुपये आहे.

पोह्यांसोबतच इथे उपमा, मिसळपाव, वडापाव हे पदार्थ सुद्धा मिळतात. सुशांत हे स्वतः सकाळी पाच वाजता पोह्यांची तयारी सुरू करतात. दिवसाला त्यांच्या पोह्यांच्या 150 ते 200 प्लेट विकल्या जातात. त्यांच्या दुकानाच्या समोर सकाळी 6 ते दुपारी 12 पर्यंत कायमच खवय्यांची गर्दी पाहायला मिळते.

तर खवय्ये मित्रांनो तुम्हालाही जो प्रसिद्ध आणि खमंग पोह्यांची चव चाखायची असेल तर आवर्जून ठाण्यातील या सुशांत यांच्या पोवाह या दुकानाला भेट देऊ शकता आणि आरोग्यदायी व पौष्टिक पोहे खाऊ शकतात.