IPS अधिकाऱ्याला दमदाटी, तुमची भूमिका काय? शिंदेही सरकारमध्ये नाराज? अजित पवारांची 'दादा' स्टाईल उत्तरे

पुणे : अवैध मुरुमाचे उत्खनन होत असताना ते थांबविण्यासाठी राज्याचे उपमुख्यमंत्री अजित पवार यांनी करमाळ्याच्या पोलीस उपविभागीय अधिकारी अंजना कृष्णा यांना फोन करून धमकावल्याने याची देशभरात चर्चा झाली. तुम्हीच अजित पवार आहात हे कशावरून? तुम्ही मला कॉल करा, असे धाडसाने महिला आयपीएस अधिकारी अंजना कृष्णा यांनी सांगितल्यावर अजित पवार यांच्या आत्मसन्मानाला धक्का पोहोचला. अर्थात त्यांचा इगो हर्ट झाला. तुमच्यात एवढं धाडस आहे का? अशा गुर्मीच्या भाषेत अजित पवार यांनी पलटवार केला. तरीही अंजना कृष्णा डगमगल्या नाहीत. त्यांच्या कर्तव्य कठोर निष्ठेच्या स्वभावाचे कौतुक होत असताना दुसरीकडे अजित पवार यांच्यावर टीकेची राळ उडत आहे.