ठाणे ठरणार गेमचेंजर, दोन रेल्वे स्थानक बुलेट ट्रेन स्थानकाशी जोडणार

अजित मांढरे, प्रतिनिधी, ठाणे: मुंबई-अहमदाबाद बुलेट ट्रेनमुळे विकासाला मोठी चालना मिळणार असल्याचे सांगण्यात येत आहे. विकासाच्या टप्प्यात ठाणे महत्त्वाचे ठरणार आहे. ठाणे बुलेट ट्रेन स्थानकाशी दोन स्थानके जोडली जाणार आहेत. मुंबई-अहमदाबाद बुलेट ट्रेन मार्गावर ठाणे जिल्ह्यात उभारण्यात येणाऱ्या म्हातार्डी स्थानकाला ठाणे, कोपर रेल्वे स्थानक तसेच तळोजा मेट्रोशी प्रभावीपणे जोडण्यासाठी आवश्यक उपाययोजना त्वरित आखण्याचे निर्देश उपमुख्यमंत्री एकनाथ शिंदे यांनी दिले आहेत.