Maharashtra Election Results : जिथे 'व्होट जिहाद' म्हणाले तिथेच भाजपचा डंका, मुस्लिम बहुल भागात महायुतीची मुसंडी!

लोकसभा निवडणुकीच्या निकालानंतर भाजपकडून व्होट जिहादचा आरोप करण्यात आला. मुस्लिम बहुल भागात महाविकास आघाडीला एकगठ्ठा मतं मिळाली होती, त्यामुळे भाजपने महाविकास आघाडीवर घणाघाती टीका केली होती. पण आता मुस्लिम बहुल मतदारसंघांमध्येही महायुतीला मोठ्याप्रमाणावर यश मिळालं आहे. महाराष्ट्रात ज्या विधानसभा जागांवर 20 टक्क्यांपेक्षा जास्त मुस्लिम मतदार आहेत, तिथल्या 23 जागांवर महायुतीचा तर 14 जागांवर महाविकास आघाडीचा विजय झाला आहे आणि एका जागेवर इतर पक्षाचा आमदार निवडून आला आहे.