बैलपोळ्याची तयारी अंतिम टप्प्यात, पाहा कशी बनतेय सर्जा-राजाची जोडी?

वर्धा, 4 सप्टेंबर: विदर्भात पोळा सण मोठ्या उत्साहात साजरा केला जातो. पोळ्याच्या सणाला मातीच्या बैलांची पूजा केली जाते. त्यामुळे वेगवेगळ्या रंगांच्या बैल जोडी मूर्तिकारांनी बनवल्या आहेत. काही दिवसांपासूनच मूर्तिकारांकडे मातीचे बैल बनवण्यासाठीची लगबग सुरू झाली असून मातीच्या बैलांना रंगरंगोटीचे काम अंतिम टप्प्यात आहे. मातीचे हे आकर्षक बैल कसे बनवतात ? एक बैल जोडी तयार होण्यासाठी किती वेळ लागतो? वाढत्या महागाईनुसार या बैलांची किंमत काय? याबाबत वर्धा येथील मूर्तिकारांनी माहिती दिली आहे.