Nagpur viral Theft News: पैसे पाहिजे होते, लावलं भन्नाट डोकं; शॉर्टकट प्लॅन फसल्यावर पोलिसांनी दिला ‘फ्री कट’!

क्राईम ब्रँचची टीम लकडगंज परिसरात गस्त घालत असताना त्यांना माहिती मिळाली की, अरबाज अहमद चोरीची दुचाकी विकण्याचा प्रयत्न करत आहे. पोलिसांनी तातडीने सापळा रचून त्याला रंगेहात पकडले. चौकशीदरम्यान त्याने गुन्ह्याची कबुली दिली.त्याने सांगितले की, तो काही काळापासून टकलेपणावर उपचार घेण्याचा विचार करत होता. डॉक्टरांनी त्याला खास ट्रीटमेंट सुचवली होती, पण ती खूप महागडी होती. आर्थिक अडचणीमुळे त्याने वाहन चोरी करण्याचा निर्णय घेतला आणि आपल्या मित्रासोबत मिळून नागपुरातील विविध ठिकाणांहून सहा दुचाकी चोरी केल्या.

पोलिसांनी आरोपींकडून चोरीच्या सहा दुचाकी जप्त केल्या आहेत. दोघांविरोधात गुन्हा दाखल करण्यात आला असून तपास सुरू आहे. या टोळीत आणखी कोणी सामील आहे का, याचा शोध घेतला जात आहे. तसेच, आरोपी यापूर्वी अशा गुन्ह्यात सामील होते का, हेही तपासले जात आहे.